職場語錄:「每 send 一份 CV，期待著第一次約會 ❤」

僱主每日收到眾多求職者嘅 CV，平均只會用黃金 8 秒嚟斷定求職者嘅 CV 係進入垃圾桶或進入下一輪篩選程序。求職者點樣捉緊呢黃金 8 秒，將 CV 內嘅優點好似彩虹般映入僱主眼簾，增加進入下一回合嘅機會呢?

1. 黃金 8 秒 所有僱主公務纏身，每日還要抽時間處理求職者的 CV，8 秒比多你喇!

2. 個人相片 冇錯! 說穿了都是一個商業社會，特別是前線工作。被邀請見其真身前，未知對方打唔打得 (意指工作表現，唔好諗錯)。有得揀緊係揀個唔打得都睇得嘅好幫手啦。不過個人認為放相片係好個人嘅事，你認為自身有過人之處咪放囉，要放就唔好 P 圖喇! 要留意嘅就係要放就放近照，即係半年內嘅照片都可以接受嘅。仲有正正經經一張 passport 相，唔好放張全身照或有背景嘅相。最重要嘅係彩色照片，雖然僱主都會 print 張黑白出黎就算架喇，但未 print 出嚟係電腦睇都唔好好似對住張車頭相咁呀，唔該!

3. CV 適當頁數 一至兩頁就啱啱好，多到成篇文咁樣果啲? 免喇!

4. 格式 CV 格式係非常重要嘅一環，無論字體、字體大小、行距、排版等都會令僱主閱讀意欲有所改變。一份專業嘅 CV，應該使用工整嘅字體，整齊有序嘅行距，令僱主睇都要睇得舒服。排版亦相當重要，切記唔好搞亂次序，例如工作經驗應由近寫到遠。

5. 寫要寫重點 無關重要嘅切勿多寫，要寫多一些跟申請工作有關聯的重要職務。切忌以一份 CV 走天涯，要做到每份 CV 都是針對當前申請嘅職位及公司嘅 Tailor Made 求職履歷表。求職者可以挑選一些認為重要嘅工作描述，用格式字體將其突出，務求令求職者於黃金 8 秒快速了解求職者嘅優點。

6. 圖表代替文字 你睇到呢度第六點，你都算有耐性。要係黃金 8 秒突圍，圖表可以加插於 CV 內，一嚟冇咁悶，二嚟可以 show 下你處理 presentation 嘅優點。

7. 寫 CV 要留一線

做人留一線，寫 CV 更加要。做任何野都唔洗去得咁盡嘅，要留有表現空間嘅機會比自己。CV 內容唔需要將每項都淋漓盡致咁盤上。就好似放風箏咁，有風先洗盡利。留返啲細節，見面時先盡力一擊啦! (追女仔都係咁架咋! 😝)

僱主每收一份 CV，都由 CV 反映到求職者一定嘅能力。從 CV 著眼處吸引僱主與求職者第一次約會，雙方都是期待著的。

更多 CV 求職技巧，由 Six People Map Consultancy Limited 提供